srijeda, 27. svibnja 2015.

MLADIN PISNICIMAN DALMATINSKIM

Ako van je smišno ovo ka brškanje po mrtvin
kostiman,
ako van je smišno ovo ka pasje zavijanje za mrtvin
daniman,
znajte da smo i mi nenavidili one
ča pišedu na oštracin aloja,
da smo i mi, liti i zimi, po dalekin valan landrali
žeju imajuć velu zaudobit svoju samoću.

Prijateji, jubili smo sebe u sven ča je mlado
na svin putiman svita neizmirnin
ka more.
Zato nan je ona prva morska sol još uvik u jočiman.


Drago Ivanišević

Split