Prikazani su postovi s oznakom Ante Parčina. Prikaži sve postove
Prikazani su postovi s oznakom Ante Parčina. Prikaži sve postove

subota, 7. svibnja 2016.

FJERA

Gušti su bili điravat
Po Rivi gori, doli,
na fjeru Svetoga Duje
i nosit koji balun,
oli fišćot, ol' puvat u trunbetu…
kornet, kamiš, kutlaču,

Riva puna ka šipak.
Nać će se srićnik
Ol Bračanin, ol Vlaj,
ol Splićanin –
ča će izvuć tonbulu
i bit će sritan
baranko na dan
Svetega Duje…
pa će mu se parit
da zvona ča zvonidu
ne zvonidu zaraj Svetega Duje,
ven njemu veseje
            i čast činidu…

Ante Parčina 
Split