O, žari se, žari
roža kak oblak,
gda sunce zahaja
i vleče se mrak.
roža kak oblak,
gda sunce zahaja
i vleče se mrak.
A vu groblju tiho
dremlje grob i križ:
“- Zakaj se ne žariš,
roža, ne svetliš?
“Črlen si je venec,
čisto črlen splel,
na glavu ga spustil,
na lasi ga del.
“Jenu rožu ftrgal,
meni ju je dal,
je glavu naslonil,
je stiha zaspal”.
Vlečeju se mraki,
stoji križek plah,
k mami se naheril,
morti ga je strah?!…
Zakaj mama prosi
drobni negov cvet,
ne bu se ražarel –
mrtev je i bled…
Ali ni se vmekla,
vetrek ju hladi.
Cvetek je zadrhtal:
da mu vmrla ni?!…
Ivan Goran Kovačić
