BLAGOSLOV BARKE

Ti još nisi vodu s provon razgrnula
Ni z veslon ni z jidron nisi bordižala.
Ležiš na kamenju sušeć mlado drivo,
z jutra stežuć hlad svoj priko svega žala.

A more pomalo z rišpeton te tiče
povidajuć štoriju od Nojine arke;
i gledaš nas miće prid tvojon lipoton;
i znaš da odvika i ljudi su barke.

Budi nova kuća! Ja te z vodon škropin,
z vodon od Trih kralji, slanon, blagoslovnon,
z forcon od bonace, nevere i pine.

I da oni dan kad sve na novo bude
zdelano nad moren, s nami da se staneš
nad zvitrenin valon, drivo od sudbine.

Daniel Načinović

Makarska